Bašo roditelia (romani-arli)

 

Dži ki  tute so sijan roditeli

MST (Multisystemisk Terapi) tano jek intezivno , kherutno phravdosastljaribe (ambulantno lečibe) bašo o familie. MST tano jek  slobodno volontersko butikeribe so odobrini pes tari socialno služba. Ko jek MST timi kerena 3-4 terapeutia hem jek timesoroledari(grupakoro glavno). Svako familija so prifatini o MST ka kerel buti intezivno jekhe taro odola terapeutia taro timi(grupa). I buti kerela pes khere ki odoja familia ko odola vreme so pasuini e familiake hem odori kori so o problemi ikljola(ovela), sar na primer ki škola. Amen keraja ko odova vakti/vreme so ka pasuini e familiake kova so značini šaj te ovel divesoro, račate ja palem ke kurkeskoro krajo(ko vikend)  ked ka ovel potreba. MST lečibe/sastljaribe tano intezivno, manuš arakhela pes pobut puti ko jek kurko hem odova telo 3 dži ko 5 masekia. Celo timi/grupa isi ole dežurini bašo i familia dive rat, sa o dive ko kurko. Nakratko šaj te vakera so o roditelia hem akaja mreža manuša kerena skoro sa i buti dejbaja podrška e terapeutese.

 

Ciljnogrupa

Akaja ciljnogrupa tane familie so isi olen terne čhave, maškar o 12-17 berš kolen so isi olen  seriozna problemia ponašajea sar soj našibe taro ple časia, kriminaliteti, zloupotreba ,agresivnos, hem odole kaste so rizikuini te frdel/paldel pes taro kher. But i tano važno te ovel barem jek vozrasno manuš kote so odova terno čhavo živini da bi te lel upri peste sar jek roditeljsko odgovornsost   hem te lel than/učestvo ko odova intezivno butikeriba.

 

Bukjakoro čhani

MST tani jek osnova rodikeribase/istraživibase so sikavela sar e ternene čhavengoro socalikano bajraribe/razvoj hem ponašibe održini pes različita faktorencar- famila, amala,škola,komšie hem javera  lokalna aktoria/členia-kola sarine utičinena ko aktivitetia hem ponašaj  e ternengoro. MST- terapeuti kerela buti zaedno e roditelencar hem e roditelengere misle bašo o problemi hem tane jek početno/osnovno rešenie bašo MST. O MST naglasini o mogučnost te keren pes promene panda ko početak taro sastljaribe/lečibe. MST tano jek osnova ko istražibe so potrvdini pes da jek jasno pravilno sistemi bašo o terne čhave ka ovel uključime  hem ka oforminen pes, hem sar asavko konsenkventno ka pratini pes sa džala, but puti relativna šukaripaja/pobolšenje e ternegere ponašajeja. MST isi ole cilj te zorarkerel e roditeljen hem olengiri roditeljsko uloga hem te bajrael i zaedničko butikeriba e mrežaja hem javere lokalno manušencar.

 

I buti kerela pes ke familiakoro svakodnevno okruženje  hem isi la cilj te anen pes ko pravo than o problemia odolea so ka pomožinen pes o roditelia hem o javera ki odoja mreža da bi te arakhen pes neve čhania te sikaven pes e ternenge. MST- terapeuti pomožini e familia te čhivel realna cilja so ola ka mangen te postigninen hem planirinena odola intervencie/zadatke kola so ka keren pes. Svako kurko kerela buti i familia jasna konketna ciljencar kola so ka aven popaše dži ko odova generalno cilj. Zaedno dikhena hem vazdena odola sile so e familiakere členia isi olen hem dikhena sar ola odova ka šaj te upotrebinen ki buti. Jek važno delo/kotor ki buti tane te predvidini pes o prepreke/prečke so šaj te terdžon ko drumo hem sar ka šaj manuš te upotrebini olen. O sastljaribe/lečibe tano legardo/vodimo da bi te arakhen pes sile hem te dikhel pes ko pozitivno so ovela ke familiakere dženende/členende hem ko kontakt javerencar.

 

I škola hem e amalengiri grupa tani, palo o roditelia odola soj tane najvažna ko sistemi MST-butikeriba. I  zaedničko buti maškar o kher hem i škoa tane stalno ko fokus. Ki  škola tani odoja  mogučnost e ternengiri te arakhen socialna amala. MST dela podrška e roditelenge te len jek jasno stavi ko odole ternengere amala so birinena pes, diso so istražibe but puti sikavi da odova stalno legari/ingarela dži ko ternengoro sigutno bajraribe hem kvaliteti taro pozitivna socialikane veze. Jek šukar socialno bajraribe/razvoj bašo odova terno čhavo rodela da bi ov te gradini jek zorali kontaktno mreža maškar o važna manuša soj okolu o oleste.

 

 

Cilj e sastljaribaja/lečibaja

O cilj jekhe MST sastljaribaja/lečibaja tano da bi e terne čhaveskoro problematično ponašaj te ačhavipe/prestanini hem te ovel e famila halati hem podrška kola so ola zaedno odole prirodno mrežaja/vrskaja ka upotrebinen korkori palo o sastlajribe da bi te šaj te uprainen hem te spravinen pes eventualna ponodorigaskere/budučnosteskere pharipancar ko po budučnost.

 

 

MST (Multisystemisk Terapi) /Mulitisistematsko terapia

Relaterade filer för nerladdning

• Bašo roditelia